「麥當勞叔叔之家慈善基金」 慈善晚宴籌560萬善款

黛安日前出席咗「麥當勞叔叔之家慈善基金」年度慈善晚宴，見到好多善長仁翁都有錢出錢、有力出力，個個都愛心爆棚！晚宴氣氛好熱鬧，除咗有歌手表演，仲有「查篤撐兒童粵劇協會」嘅小花旦們表演，大家都睇到拍晒手掌。

公關姊妹講，只要捐22,000蚊就可支持一個家庭住喺麥當勞叔叔之家3個月，當晚總共籌得超過560萬善款，香港賽馬會慈善信託基金仲捐出3.875億元，支持建造香港第二間麥當勞叔叔之家！

黛安知道，「麥當勞叔叔之家慈善基金」喺1996年成立，目的係為患病兒童同家人提供一個「臨時家園」，香港麥當勞作為「麥當勞叔叔之家慈善基金」嘅使命夥伴，已為基金籌得超過4,300萬元善款。