劉德華囡囡唔讀女拔揀呢間 揭滬江維多利亞學校有幾巴閉

{{hket:inline-image name="MMM.jpeg"}}{{/hket:inline-image}}

雖然劉德華曾經講過：「我劉德華個女，仲有咩路要鋪呀？」不過講係咁講，望子成龍絕對是不少家長的心願，而華仔的寶貝女劉向蕙Hanna一眨眼已經六歲，面對升讀小學這個大難題，華仔亦不敢怠慢，之前就有指太太朱麗倩帶Hanna參加拔萃女小學面試，更有傳已成功註冊入讀，不過其後華仔擔心傳統名校可能會過度催谷，加上本身就讀維多利亞幼稚園的Hanna，希望跟同學仔一齊升讀滬江維多利亞學校，貴為廿四孝老竇的華仔當然聽晒寶貝女話啦！

{{hket:inline-image name="csc.jpg"}}{{/hket:inline-image}}

{{hket:inline-image name="aadd.jpg"}}{{/hket:inline-image}}

一年學費13萬

民間特首都揀維多利亞，呢間貴族學校當然絕非小兒科，小一學費已承惠$129,400，一條龍讀到預科12年級的話，一年學費更去到$186,800，貴過讀大學，絕非一般打工仔所能負擔，難怪學生大多非富則貴。而由於學額有限，每年入學都爭崩頭，想打尖？得，家長可以買價值三百五十萬元的債券，就能夠獲得優先取錄機會，但緊記只是優先，最終取錄與否還要看面試成績。

小學不考TSA

條件咁辣都咁多人爭，維多利亞當然有其過人之處，它是香港少數提供一條龍IB課程的學校，分別為PYP（小學）、MYP（中學）和DP（預科）三項IB課程，維多利亞創辦人孔美琪指很多家長安排子女修讀IB-PYP，其中一個原因就是少默書和測驗：「我們十年前已不考TSA，一至五年級亦不設考試，只有六年級才有大考，IB-PYP課程提倡跨學科學習，日常課堂有大量專題研習與小組討論等，不會只要求學生背九因歌，會利用教材令他們理解三乘三等於三加三加三。」而今年滬江維多利亞學校在IB文憑試亦取得不俗成績，整體平均達36.16分，共有22人考獲40分或以上，更出了2位考獲45分的狀元，與及1位考獲44分的榜眼。

{{hket:inline-image name="FSS.jpg"}}{{/hket:inline-image}}