去書展講座交流 聽「麻將學院」家族史

每年書展黛安都一定去朝聖，除咗同一班出版界嘅好姐妹見面交流近況外，亦會去聽心儀作家嘅講座。

黛安噚日就應《晴報》專欄作家查小欣（小欣姐）嘅邀請，去咗麻將家族「鷄記」傳奇家族史講座。當日去支持嘅仲有《晴報》專欄作家胡孟青、盧覓雪（Michelle），同鷄記第三代傳人Vincent。Vincent就話，麻將係香港其實唔係賭博，係耍樂，而麻將館其實更稱為「麻將學院」，一般只開12小時，中午12點開到凌晨12點。

黛安之前都曾經同小欣姐一齊去「麻將學院」參觀，聽到咁多有關麻將嘅歷史故事，都分外有親切感。