太興創新手法 推皮脆肉嫩煙燻燒鵝

傳統煙燻燒鵝買少見少，最近太興又有新搞作，首次推出「太興滿『燻』燒鵝」，以創新做法還原傳統燒鵝煙燻香味。黛安同公關姊妹傾開，知道太興揀選飼養約100日嘅優質黑鬃鵝，每日在分店即場新鮮燒製。師傅先用秘製醬汁醃製鵝隻，去除膻味及徹底滲入醬汁，淥皮及上鵝水再加以風乾，盡吸醬汁精華嘅鵝身再放入爐中燒製。公關姊妹話燻製過程加入咗獨門秘製嘅五種香料，所以煙燻味會隨着熱力滲入鵝皮及鵝身，黛安聽到都垂涎三尺。

「太興滿『燻』燒鵝」即日有售，全隻只係賣398元，半隻則賣200元，上庄及下庄分別售80元和120元，堂食或者外賣都同價。嗜鵝老饕可瀏覽http://www.taihingroast.com.hk了解詳情。黛安都打算外賣一隻燒鵝同屋企人齊齊分享。