利東街世杯嘉年華 親子踢波畫彩繪

世杯氣氛熾熱，就連灣仔利東街也搞嘉年華，實行全城投入足球狂熱。黛安呢幾日經過利東街見到現場非常熱鬧，由即日起至下月15日利東街展出趣味足球立體錯視藝術圖，模擬與球隊激戰拍照，黛安當然唔會錯過咁好嘅selfie時間喇。

除趣味藝術圖外，下個月14號同15號，現場仲有足球VIVA嘉年華，包括足球障礙賽、面部彩繪同埋最有聲勢嘅啦啦隊表演。15號當日更會向早前父親節親子足球比賽嘅勝出健兒頒獎。節目豐富外，黛安仲知道有活動優惠，由即日至下月15日，於利東街最多兩間商舖內消費總值滿800元，可免費換領特別版利東街足球毛絨玩具乙個。在指定商舖內出示呢個玩具，即有特別禮遇，包括於膳魔師精選貨品可享7折優惠及Okashi Galleria購物滿150元可獲9折優惠。