7-Eleven新鮮水果 泰國青皮蜜柑最醒神

香港人生活繁忙，成日出街食飯，但又無時間飲水同食水果，其實好唔健康！但近年香港人愈來愈注意健康飲食，黛安都鍾意喺正餐之間，加個水果，或者食水果沙律，就令成餐都健康咗。但都市人夜收工，有時夜媽媽就未必買到新鮮水果，不過公關姊妹傳來喜訊，因為7-Eleven開始有新鮮水果供應啦，方便大家過健康生活！

公關姊妹同黛安講，7-Eleven提供嘅水果共有5款，當中4款係固定提供，包括來自中國嘅富士蘋果、來自菲律賓嘅都樂香蕉、來自新西蘭、意大利或智利嘅奇異果，同來自南非或埃及嘅鮮橙，而第5種就係時令水果喇，隨住唔同季節推出新鮮水果。

黛安知道，今期7-Eleven季節限定水果就係來自泰國嘅早生青皮蜜柑，外皮呈青綠或略帶黃色，果肉呈金黃色，天氣咁熱，咬一啖清新嘅蜜柑，令人心曠神怡，而蜜柑又多汁解渴，會令人一片接一片食停唔口！黛安知道，蜜柑仲好有益，有豐富維他命C、多種營養同纖維，有助加速膽固醇轉化，防止動脈硬化，真係食多幾個都唔怕！

7-Eleven喺全港有超過600間舖頭都有水果賣，而當中超過200間有齊5款選擇，而價錢都唔貴，固定提供嘅4款水果每個賣6蚊，如果買2個就10蚊；至於早生青皮蜜柑就5蚊一個，12蚊有3個，聽日開始就有得賣！黛安已經決定好要每個都試下，你都一齊啦！