樂加欣防「腦弱態」產品 屈臣氏獨家推

「誠哥」李嘉誠今年90歲，但都仲係精神奕奕，唔知同最近屈臣氏獨家推出嘅健康產品樂加欣TRU NIAGEN有無關係呢？呢款產品係專門針對「腦弱態」而設，由美國上市生物科技公司ChromaDex研發，曾經獲得誠哥旗下維港投資入股。噚日屈臣氏就喺旺角全新概念店為樂加欣舉行推廣活動，黛安都有去湊熱鬧！

黛安聽番另一位Diane、香港屈臣氏總經理張慧屏講，今次屈臣氏夥拍ChromaDex獨家推出嘅專利配方產品樂加欣，可以提升腦細胞嘅諾加因子水平，從而改善大腦機能、激活腦細胞等。腦弱態係腦部衰退嘅早期先兆，而家仲有年輕化趨勢，所以樂加欣自舊年9月引入本港，銷量已迅速成為保健品之首！而成個保健產品嘅市場都有同樣趨勢，令保健產品業績錄得雙位數增長，成為增幅最大嘅一瓣。

旺角概念店 首設互動式藥房

活動喺旺角銀行中心嘅全新Y世代主題概念店進行，近5,000呎嘅舖頭分為唔同特色主題專區，有最大嘅彩粧專區、全港首設嘅互動開放式藥房產品區等。Diane仲透露，屈臣氏分店正陸續翻新，仲愈來愈hi-tech，嚟緊會喺長江中心開幕嘅新概念店，會有「Style Me」虛擬試粧功能，各位姐妹要留意今個星期五嘅開幕禮喇！