香港萬麗海景酒店 嘗南非美酒鮑魚宴

黛安前兩日有口福，應香港萬麗海景酒店嘅傳訊總監黃詩詩（Cecilia）邀請，去試今季推出嘅「探索南非美酒鮑魚宴」。Cecilia話，近年香港人愈來愈鍾情南非鮑，原因係當地水源好清澈，無任何污染，今次酒店再次成為南非酒節嘅官方酒店夥伴，提供各種南非鮑，仲有140款美酒，任君選擇。

當晚黛安就試咗三個鮑魚菜式，其中南非鮮鮑花蛤海鮮湯（$200），用咗蝦、魚等海鮮熬成湯底，最後加上新鮮鮑片，鮮甜無比；而桑拿南非鮑（$150隻），師傅將茉莉花茶葉鋪底，放上南非鮑，再用淋上香茶，幫鮑魚「焗桑拿」，茶香加鮮濃鮑魚味，回味無窮啊。當晚仲見到《晴報》專欄作家小欣姐、鄧達智同佢嘅好友陳醫生，大家都吃到讚不絕口。Cecilia話，所有南非鮑魚菜式都可以喺滿福樓吃到，5月底就結束。黛安決定一試再試！