6隻導盲犬BB 改咗名喇！

導盲犬係視障人士嘅好幫手，可惜香港仲有好多人唔太認識佢哋嘅工作，接納程度仲係有待改善。黛安知道，為咗提高港人對視障人士需求嘅認識，領展同香港導盲犬協會安排咗來自60間小學嘅學生，一齊幫6隻精靈可愛嘅導盲犬BB改名，最後由6間小學嘅提議獲得最受歡迎獎，成為6隻狗仔嘅新名！

6隻狗仔嘅名份別係Simba、Snoopy、Sugar、Star、Summer及Storm，而幫佢哋改名嘅學校就包括浸信會天虹小學、八鄉中心小學、香港國際學校等等。黛安見到佢哋6隻狗仔嘅相，真係覺得好得意呀！佢哋依家由義務寄養家庭照顧，14個月大開始就會接受導盲犬嘅訓練，黛安相信佢哋一定會成為出色嘅導盲犬！