九展名店倉 豪派$50萬禮券 送iPhone X

黛安平時Shopping都會留意有無購物優惠，做個精明消費者！最新就知道九展名店倉（E-Max WearHouse）下月會送出總值$50萬嘅購物同電影禮券！

公關姊妹同黛安講，顧客只需喺3月嘅禮拜日，即係4號、11號、18號同25號，親臨E-Max WearHouse嘅推廣攤位，成功登記同成為社交平台嘅粉絲，就可以免費拎走E-Max WearHouse$300現金禮券，以及星影匯$200電影禮券，現金禮券唔使消費滿指定金額就可以用，真係零成本Shopping！不過名額有限，每日得250位幸運兒可以拎到，先到先得！

黛安仲知道，同樣係3月嘅逢禮拜日，顧客憑最多兩張場內即日電子消費單據到客戶服務處登記，截至同日下晝5點，當日累計消費最高金額嘅顧客仲可以獲贈iPhone X一部𠻹！