太古回收舊書 $10義賣籌款

屋企有好多舊書，嫌阻碇又唔捨得扔？你可以捐畀太古。太古地產舉辦嘅「書出愛心十元義賣」，即日起至3月31日接受書籍回收，4月12至15日會係太古坊Artis Tree，將收集到嘅舊書以每本$10進行慈善義賣，所得善款會全數捐畀香港小童群益會及義務工作發展局。咁有意義，黛安已經將屋企嘅舊書捐出啦。

太古地產好友話，活動踏入第8年，希望藉此讓閱讀文化得以傳承。今次共有39個回收點，方便市民捐書。今年活動以「Highlight」為題，仲請咗保齡球世界冠軍胡兆康、知名導演黃修平、本地棟篤笑藝人Vivek Mahbubani等拍片支持呢！