青衣城2期開幕 全新UA下月登場

黛安唔少住青衣嘅朋友成日都講希望可以多啲綠色空間，好彩青衣城2期終於開幕！而家唔單止多咗好多食肆、商店，仲多咗一間戲院選擇，仲有超過5萬尺嘅平台同空中花園，可以喺翠綠環境中望吓海，勁chill！

聽番住青衣嘅朋友講，青衣城原本已經有嘉禾青衣電影城，擴建完成後，UA戲院都將會喺下個月開幕，以後睇戲就有更多選擇啦，黛安都好羨慕呀。講開青衣，就當然不得不提佢又長又靚嘅海濱啦，青衣城2期上面仲有個大型空中花園，去浪漫看海就啱晒，等黛安都約朋友去野餐先！