快閃觀瀾湖 親子假日好去處

去旅行唔一定要坐飛機，距離香港大約1小時車程嘅深圳觀瀾湖，係世界第一大高爾夫球勝地，亦都係親子休閒度假好去處！黛安之前就同屋企人去過，環境好舒服，啱晒family day。

同屋企人外出住酒店，當然想住得舒服又有特色。觀瀾湖就提供多種主題套房選擇啦，好似有奇妙森林房、神秘海洋房、夢幻糖果房和探險宇宙房等，布置充滿主題特色；小朋友嘅房間仲同父母嘅房間相連，方便照顧。

另外，喺觀瀾湖新城MH Mall旁邊嘅觀瀾湖藝工場，以文創綜合體形式為一家大細帶嚟獨特嘅體驗，父母可買到手作衣飾同擺設等心頭好，又可同小朋友參加獨一無二嘅體驗課程，一舉兩得。