Asia Miles x OpenRice 會員消費儲3重里數

今時今日儲里數簡直話咁易！黛安噚日就應亞洲萬里通（Asia Miles）邀請，去到上環高級法國餐廳Bibo食飯，原來Asia Miles同OpenRice合作，只要係Asia Miles同OpenRice嘅會員，一餐飯就可以輕輕鬆鬆儲到3重里數，合作餐廳仲超過200間呀！

黛安同班好姐妹gathering，經常都會用OpenRice訂枱，勝在夠方便。亞洲萬里通行政總裁黃思遠（Stephen）就話有好消息要宣布，由即日起同OpenRice合作，只要用OpenRice App嘅設定連結Asia Miles帳戶，就算book枱已可以儲里數，即日起至12月30日成功book枱仲有雙倍里數，「平日最少都有25里數，double咗即係有50里。」

話明3重里數，亞洲萬里通市務及品牌體驗發展總監胡潔燕（Peony）就話，第二重就係食完飯用亞洲萬里通聯營嘅信用卡埋單，即刻可以再儲過；第三重係每逢星期一喺亞洲萬里通嘅餐廳夥伴消費，每消費$1就可以賺取1里數，其他日子每消費$2就有1里數，佢仲講笑話︰「以後就無Ｍonday blue啦！」

Asia Miles近年不斷開拓業務，Stephen噚日好高興咁話，截至上個月，全球已經有1,000萬個會員啦！今個月仲會全面更新網站，日後仲會推出更多衣、食、住、行等生活體驗嘅服務，希望2018年愈做愈好。黛安都要畀個Like佢哋呀！