Hello Kitty Vs 布甸狗 3D八達通配飾下周登場

風靡萬千粉絲嘅Hello Kitty同Pompompurin（布甸狗）會喺下星期三（6日）推出3D版成人八達通配飾，當日起早上7點全綫7-Eleven便利店公開發售，每款都係賣$188，不設按金同儲值額。黛安同廣大少女一樣都係Hello Kitty同布甸狗嘅fans，好想立即擁有一個，帶住佢哋出街，無論係搭車定買嘢，都特別開心，望住咁可愛嘅佢哋心情都靚啲啦！

黛安聽公關姐妹講，Hello Kitty同布甸狗2款3D版成人八達通配飾不但造型可愛，更配上特色織帶，一定會大受歡迎。公關姐妹話，兩款3D八達通配飾同其他八達通產品一樣，可以搭公共交通，或喺全港超過2.1萬個零售點消費購物外，仲可以登記成為「八達通日日賞」會員以賺取日日賞$啊！