遊利東街睇星雨燈飾 感受夢幻白色聖誕

大家有無留意到大街小巷嘅布置都充滿聖誕氣氛，令人見到都特別開心。黛安噚日同公關姐妹食飯時，經過利東街，見到佢哋除咗喺中庭放咗棵成13米高嘅聖誕樹，仲喺街道上掛滿星雨燈飾，仲整咗間布滿鏡片同燈飾嘅聖誕樹屋，影相好有夢幻Feel；加埋舊年好受歡迎嘅飄雪滙演再譽歸來，大家今年可以過個白色聖誕啦！

聽公關姐妹講，今年利東街仲第一次同二十世紀福斯影片公司合作，以聖誕新片《大娛樂家》做主題，整咗個360度虛擬實景體驗裝置畀市民去睇電影花絮，仲會有歌舞助興，同埋5位主角嘅戲服畀大家睇，黛安已經約定姐妹，聖誕正日去利東街慶祝啦。