中總一帶一路繽FUN遊 嘗美食贏機票

想一次過品嘗韓牛、大馬榴槤貓山王、德國芝士腸等歐亞美食？今個周末去中環遮打花園就可以一次過試晒喇！

香港中華總商會嘅公關姊妹同黛安講，「中總一帶一路繽FUN遊」周五起一連三日喺遮打花園舉行，到時可品嘗近20個國家和地區嘅美食，更有音樂舞蹈表演、工作坊等，仲可用VR、AR技術，「親臨其境」咁觀賞世界美景或穿梭絲綢之路，黛安聽到都覺得有趣！公關姊妹話，有啲「一帶一路」沿綫國家，未必想去就去到，希望藉此將「帶路」沿綫風貌介紹畀港人認識。

除左美食同精彩活動，仲可憑入場券參與抽獎贏取機票和價值5,000元的旅遊禮券，獎品總價值高達8萬港元，頭獎係來回美國洛杉磯嘅雙人機票！而約2萬張入場券係免費派發，致電25256385登記後再到中總領取、關注中總微信帳號或現場like大會fb專頁都可攞飛；部分門票亦會喺現場派發。