名廚主理 富家閣嘗日本青森蟹宴

秋季美食一定少不了蟹，黛安身為「蟹癡」，之前一早收到風，知道日本青森縣嘅野生大閘蟹即將抵港，仲會由大師尹達剛師傅親自主理，黛安已經非常興奮。上周末聽公關姐妹講，尹師傅已取得香港獨家代理權，將首批來自青森縣小川原湖嘅野生藻屑蟹運來港，即日起喺富嘉閣酒家、馬會會所、六公館等高級食肆都有得食喇。

黛安知道藻屑蟹同中國大閘蟹係同一品種，但蟹期較長，每年11月到翌年4月尾都係當造，加上啲蟹喺全日本第11大嘅湖泊長大，水源優質，蟹膏甘香濃厚。尹師傅會係今明兩月親自係北角富嘉閣下廚烹製「青森縣大閘蟹盛宴」，除足六両重嘅主角藻屑蟹，仲會有「海蔘蟹汁燉元貝」等5款菜式，食1隻都係500蚊，黛安約定你啊！