精英雲集 嘉許創新 《晴報》財經界大獎頒獎禮

今時今日係大數據年代，香港財經界都要加快步伐搞創新。全港第2大發行量、廣受中產人士歡迎嘅《晴報》主辦嘅第2屆業界大獎「Banking & Finance Awards 2017」（下稱獎項），由《香港經濟日報》、http://www.hket.com、《iMoney》及《U周刊》全力支持，噚日頒獎典禮精英雲集，認真熱鬧！

石Sir拍片祝賀兼推介股票

頒獎禮噚日就喺香港JW萬豪酒店舉行，城中財金界名人一一出席，並由香港經濟日報集團董事總經理兼執行董事及《香港經濟日報》社長麥華章致辭，仲好榮幸邀請到香港商務及經濟發展局副局長陳百里博士、強制性公積金計劃管理局主席黃友嘉博士、立法會金融界陳振英議員、香港會計師公會會長陳美寶、香港科技大學經濟學系兼任教授雷鼎鳴教授、《晴報》總編輯潘少權、《香港經濟日報》投資版新聞總監及《投資理財周刊》主編李國慶做頒獎嘉賓。

黛安好熱切期待出席活動，原因係舊年嘅頒獎禮正值美國大選前夕，當大家都唔睇好特朗普，會成為美國總統時，《香港經濟日報》副社長兼研究部主管石鏡泉（石Sir）就預言特朗普會當選，結果真係應驗！噚日石Sir因為有要事出席唔到，但都拍咗段短片分享投資貼士，預期美國12月好大機會加息，仲送咗一啲lucky number畀大家，好似騰訊（00700）、吉利汽車（00175）、港交所（00388）。大家留意下啦！