1300人參加慈善跑 為「小而同」籌款

黛安好多朋友都鍾意跑步，仲周不時都會參加城中舉行嘅比賽，上星期六（10月28號）就有朋友參加咗個好有意義嘅比賽嘞。原來上個月係矮小症（俗稱侏儒症）關注月，PB Runners搞咗個慈善跑為香港小而同罕有骨骼疾病基金會籌款，吸引咗1,300個參加者，仲有畀患者同屋企人參加嘅賽事，場面勁溫馨！

慈善跑當日除咗有3公里、10公里同半馬賽事，仲有一場有16個矮小症病友家庭參加嘅400米賽跑！佢哋平日可能因為坐輪椅或者機能比較差，都較少機會同空間參與大型運動項目，但當日仲做埋義工，負責派禮品包、印水紙畀參加者，又派氣球，真係個子小小，但絕對唔可以睇少！