星夢郵輪新船「世界夢號」 下月中香港啟航

又到每年黛安最開心嘅日子啦，就係旅發局舉辦嘅年度盛會「建行（亞洲）香港美酒佳餚巡禮」，黛安差唔多日日都有去捧場，喺中環海濱享受美酒和佳餚。

開幕個日，黛安就應旅發局企業事務總經理梁美寶（Cynthia）邀請去食飯，仲撞到幾個好姐妹，其中有雲頂郵輪集團市場部高級副總裁李鳳霞（Christine），嗰晚大家都盛裝出席，黛安忍唔住要讚Christine着得咁靚，仲恭喜佢又有新project面世！

繼今年初星夢郵輪旗下嘅「雲頂夢號」成功首航日本沖繩後，11月中將會有另一艘新船「世界夢號」下水，仲會喺香港啟航，到訪位於越南同菲律賓等的亞洲名城。