7-Eleven 升級版即磨咖啡 男神張振朗都話正

黛安同好多打工仔一樣，咖啡向來係生活必需品。最近7-Eleven（7-11）推出升級版Daily Café即磨咖啡，噚日7-11嘅公關姐妹同星級男神張振朗（Owen）帶埋全新口味即磨咖啡去咗經濟日報集團探班，連《經濟日報》兼《晴報》社長麥華章都有捧場，黛安都去咗湊熱鬧，仲同男神自拍兼試飲新咖啡！

聽公關姊妹介紹，升級版Daily Café採用百分百Arabica升級咖啡豆，更加香醇濃郁、持久回甘。黛安噚日就試咗今年新出嘅海鹽開心果味，咖啡底果然更醇厚，先係滲出甘甜，之後再有淡淡鹹味，好有層次感。

自家品牌7-Signature仲推出和風之味三文治，用日本麵粉做原材料、再配以獨家烘焙技術製造嘅麵包鬆軟有彈性，而且餡料分量十足，黛安食一份已經飽晒。

新鮮出爐《星和無綫電視大獎》「我最愛TVB男配角」Owen，就令女同事起哄，黛安都乘機同Owen講咗句恭喜！忙拍劇嘅Owen就話自己都鍾意飲咖啡提神，試咗7-11升級咖啡都覺得非常吸引！