太古坊變身藝術空間 文青必去打卡位

每次都吸引唔少文青參與嘅西九文化區藝術文化活動「自由約」啱啱先完，西九文化區管理局又有新搞作啦！今次佢哋同太古地產合作，將太古坊變成多元藝術空間，搞「自由看＠太古坊」！

黛安嘅文青朋友報料話，由本周四（26號）至11月5號期間，太古坊會上演13個節目、一共29場，逾80位本地同海外創作人嘅演出，涵蓋戲劇、舞蹈、音樂、展覽、多媒體等等，而且好多都係免費入場，要欣賞藝術，唔一定要去劇院或者藝術館啦，黛安約定你太古坊見！