參加萬聖化裝舞會 贏雙人來回倫敦機票

每年萬聖節，黛安都會同姊妹們開化裝舞會狂歡！今年黛安就收到風，灣仔利東街即日起至本月31日期間，變身成德古拉伯爵嘅化裝舞會場地，各位變裝高手唔使愁萬聖節無地方去啦！

德古拉伯爵專程託黛安召集全城「吸血殭屍」，於10月28日夜晚8點嚟到利東街巨型月亮下，參加「The Rocky Horror Picture Show洛基恐怖秀」舞蹈巡遊。聽講只要造型夠出眾就可以一齊載歌載舞，睇嚟黛安都要快啲諗定點打扮好啦！

講起打扮，萬聖節（31日）當晚，利東街將舉辦「萬聖節時尚秀」，展出由香港高等教育科技學院（THEi）時裝設計（榮譽）文學士畢業生設計嘅時裝作品，鍾意睇靚衫嘅姊妹們真係唔可以錯過！

靜靜雞話你知，活動期內以萬聖節造型，喺利東街嘅巨型月亮前影返張靚相，再上載到Instagram打卡、hashtag #利東街同#滿月派對、再follow埋利東街嘅Instagram，就有機會贏得雙人來回倫敦機票，去英國古堡賞月！唔講住啦，黛安都趕住去打卡呀！