旺角豐澤增專區 齊集電競最強裝備

打機都有出頭天！電競配套愈見專業，黛安之前行過旺角惠豐中心的豐澤分店，發現有個專為電競高手設立的專區GameZ，即刻搵公關姐妹了解下。原來係GameZ有齊五大熱門品牌，包括Acer Predator、Asus ROG等電腦產品，仲有人體工學電競椅、電競專用靚聲耳機及爽手鍵盤等「最強裝備」幫手提升戰績。就算入門初哥都唔使驚，GameZ有遊戲專員幫你做配對。

黛安試玩LOL、Watch Dogs 2等10款遊戲，仲同電競女神Rose Ma對戰咗一陣。但「春麗」戰鬥力實在太強，黛安慘敗後，公關姐妹即刻送番個優惠，就係即日起頭10名買指定筆電嘅顧客，有機會獲贈電競椅或$300至$600 XBOX禮品卡，要贏話咁易啦。