我家的新成員

我養的兩隻老犬，「發仔」剛在數月前走了，剩下「金珠」老態畢現；令到家中悶氣沉沉。

想重現活潑生機，於是去買了兩隻貓BB。

為甚麼不養狗BB？因為怕「金珠」以為我嫌棄牠。如果牠不開心因而自暴自棄影響健康，真的博唔過。

對於貓的脾性，我絕對是個外行人。天真的以為可以用對待狗的方法去教貓，結果卻換來了一身傷痕，更差點毀容。

貓，絕對是性格巨星。一切以牠心情為重。遇啱佢哋無mood，就算你叫破喉嚨呼喚佢嚟，佢仍是睬你都傻。如果你真係似我咁傻，死纏爛打，好彩嘅係被佢歧視，唔好彩嘅會換來周身傷痕。但如我所願，兩隻小魔怪整天蹦跳追逐，有如子彈列車一樣奔馳，家中不單打破了悶局，還打破了很多裝飾品。

不過，如果我見唔到佢哋蹤影，仲驚。第一時間去檢查有沒有關窗，怕佢哋做咗「空中飛貓」跳落街；又或者你要逐個櫃去檢查佢哋有無吼你開櫃之時，閃咗入去；又或者在床下底瑟縮一角，等候你去搵佢。這一切一切，完全同之前養狗的經歷南轅北轍，大相逕庭。

不過無論是養狗或養貓，牠們都一樣能給你正能量，幫助減壓，令你不再有孤單的感覺，更重要是，牠們能成為你愛的投射！

（本欄逢周四刊登）