網球一姐張帥狀態佳 偷空遊迪士尼

最近保誠香港網球公開賽係維園開打，黛安梗係有去捧場。前日（9日）見到世界排名31位嘅中國網壇一姐張帥，1個鐘頭內直落兩盤以6:0，fight低好朋友兼日本選手奈良久留美，球球都有力爽快，難怪咁輕鬆就晉級次圈。今次張帥首次參賽，除咗迎戰世界強手，嚟香港仲完成咗佢一個小小心願，就係瘋狂暢遊迪士尼了！

咪睇28歲嘅張帥咁硬朗，少女心仲好澎湃㗎，上周六（7日）就喺大賽前特登抽空遊園放鬆心情。一入到迪士尼即喺萬聖節南瓜布置度影相打卡，仲話好鍾意米奇同唐老鴨𠻹。佢亦有去明日世界玩香港獨有嘅鐵甲奇俠飛行之旅，貪佢夠晒爽快可以「打壞蛋」喎。