國泰24小時科研挑戰 贏機票 入職實習

依家呢個年代，年輕科技及商業專才非常受歡迎，噚日見到國泰航空嘅公關，平時好少睇科技嘢嘅佢，竟然都search緊啲開發程式嘅資料，黛安忍唔住一探究竟。原來佢準備緊國泰今個月21至22號嘅一個Hackathon節目，有150位年輕參賽者會喺國泰城參加持續24小時嘅科研活動，根據大會開出嘅挑戰，創造出可行嘅解決方案，再向評判進行簡報，演示方案構思。

公關好友話，今年已經係國泰第二年舉辦24小時Hackathon，得獎隊伍可以獲得國泰任何一個目的地嘅來回機票，仲可以喺出年暑假入國泰IT部實習，如果就嚟畢業，更可獲得IT嘅Graduate Trainee計劃嘅「快證」，直接進入最後一輪面試！