維園跟網球好手 學習花式球技

黛安細細個已經好鍾意睇網球，「保誠香港網球公開賽2017」賽事由前日（7日）至10月15日喺維多利亞公園網球主場舉行，黛安作為網球賽嘅忠實粉絲，當然有捧場啦！而除咗有高水準嘅賽事睇，噚日起開放嘅「網球同樂區」原來一樣咁精采，真係驚喜無限呀！

設喺主場館旁邊嘅「網球同樂區」，由昨日起至下星期日（10月15日）免費開放予公眾人士入場。今年增添唔少玩樂元素，結合咗「網球」同「香港風情」兩大主題，好似當中嘅維園士多，就擺出如飛機欖等富有香港情懷嘅擺設，真係不論懷舊定打卡都一流。

此外，花式網球高手Antoine Jehanne就於每日指定時間，進行表演及教授各種花式技巧；而迷你網球場、巨型網球波波池等設施都趣味十足，場內亦有售多款傳統食品及特色美食，好味到黛安食到停唔到口！有得玩有得食咁開心，大家都唔好錯過嘞！