麥記下星期「加辣」 出TABASCO新包

TABASCO火辣滋味，素來為一眾辣椒仔女追捧。之前麥當勞同TABASCO聯乘嘅激辣食物都勁受歡迎，黛安就最鍾意食辣味朱古力新地，貪佢滑得來又辣得刺激！公關姐妹都話收到好多粉絲反映，決定「加辣」！下星期一（10月2號）起，除咗繼續有得食辣辣新地，仲有兩款「辛」辣味提供，包括TABASCO番茄煙肉安格斯，同煙熏辣椒仔風味Shake Shake薯條，實行同你辣住過中秋。

講番點「辛」辣法先，今次Chef Gary繼續用佢嘅創意，將TABASCO煙熏辣椒仔風味蛋黃醬配特厚安格斯牛肉，夾住啲香噴噴蘋果木熏脆煙肉條、軟滑白芝士同fresh爆嘅番茄同生菜，用兩塊黑白芝麻包夾住，真係一啖辣又有一啖爽﹗而Shake Shake薯條除咗辣味，和風紫菜味都會強勢回歸，日日有食神去麥記就得啦！