國泰飛台北有飯食！ 主打香港風味菜式

去旅行都係旨在吃喝玩樂，食飛機餐都不可馬虎。但有好多公司飛台灣一類嘅短途行程都係只會提供麵包，無飯落肚有時都幾餓下。

可能因為聽到黛安個肚咕咕聲，同國泰公關姐妹最近傾開，話下月起香港飛台北都有飯食啦！而且唔止一種，係有四種選擇，包括叉燒飯、焗豬扒飯、葡汁雞飯同埋粟米魚塊配蛋炒飯，全都都係主打香港風味嘅菜式，聽見都流晒口水。

不過，「有飯開」都係暫時試行3個月，而且喺飛午膳或晚膳時段嘅航班上提供，不過無論坐經濟定特選經濟位都會有得食，夠晒親民！以後唔想餐餐都係食輕食，記住呢排坐多兩轉國泰，用行動表態撑長期供應熱食「飛機餐」啦。