懷舊英倫巴士 周三利東街展出

潮流興懷舊，好似簡稱「RM」的Routemaster雙層巴士，佢唔單止係英國設計、工藝及工程界的典範，對於英國人來講，呢款喺倫敦市行走超過50年的巴士，除咗係一款交通工具，更係一項集體回憶同英國現存嘅文化遺產；而呢款深受英國迷同巴士迷喜愛的「倫敦巴士」，即將會現身香港！

黛安收到風，英國航空公司將於星期三（9月20日）為「英航經典倫敦巴士」揭幕，而喺9月21至22日，粉絲可以喺灣仔利東街，睇到兩架2005年於倫敦退役嘅Routemaster巴士。

大家唔單只得個睇字，參觀人士只需喺利東街同倫敦巴士影低一張創意照片，連同25字內的文字歡迎巴士到港，加上主題hashtag #BALondonBus（相片必須設定為公開），回應英國航空公司社交網站facebook的懷舊巴士貼文，經英航甄選後，最佳分享的得獎者，將可獲得英航兩張免費來回倫敦的經濟客位機票。