誠哥的抗衰老秘方 屈臣氏$388有售

現代人關注健康，人稱「超人」嘅長和系主席李嘉誠，每次現身都咁精神奕奕，一定都深諳健康之道。昨日黛安收到風，佢旗下嘅維港投資其中一個投資項目、美國上市公司ChromaDex，一直都好專注研究植物化學成分嘅抗衰老補充品，黛安仲八卦到，其中一款產品TRU NIAGEN，原來誠哥自己都有食開㗎！唔通呢樽補充品就係佢平日咁精神同健康嘅秘方？睇嚟值得試試。

黛安都想買番樽畀爹哋媽咪食，唔知點先買到呢？聽公關姊妹講，呢款補充品下星期就「殺入」亞洲，仲將香港定為首發地，下星期五（15號）就會喺屈臣氏上架，仲係獨家發售㗎！黛安打聽過，TRU NIAGEN當中嘅「NIAGEN煙酰胺核糖」，可以提升隨年紀下降嘅「煙酰胺腺嘌呤二核苷酸」（NAD+）水平，公司之前已經用咗過百萬美元研究，確保產品嘅安全同功效。新產品每樽售價$388，聽講屈臣氏網上商店遲下仲會推出一年用量及套裝訂購優惠，大家記住留意喇！