《晴報》6周年 搵陳彥琳推「生機飲食」

《晴報》近期推出「綠的好習慣」一分鐘測試，鼓勵大家培養綠色生活態度。黛安早前約咗姊妹歎下午茶，佢仲同黛安分享咗佢近期嘅飲食習慣─「生機飲食Raw Food Diet」。原來生機飲食近年受唔少OL歡迎，係近期熱門嘅飲食習慣，連最近《晴報》嘅「綠的好習慣」一分鐘測試，都搵嚟《晴報》「識食•惜食」專欄作家陳彥琳（Alvina），推介大家實行Raw Food Diet。

保持自然原味

咩係「生機飲食Raw Food Diet」？意思係指日常飲食中，主要食用未經加工同以低溫烹調嘅食物，背後理念係希望注重食物來源、鼓勵有機農業，同時珍惜食材完整性，令食材保持自然原味。Alvina仲同大家分享一啲熱門嘅食材選擇，特別適合女士們保持苗條身材，搞到黛安心思思決定嘗試Raw Food Diet。

《晴報》今次推出嘅「綠的好習慣」一分鐘測試，讓大家可以檢閱一下平時生活上嘅綠色習慣。如果你自問夠Green，即日起至8月2日，記得上網參加「綠的好習慣」一分鐘測試，而且《晴報》今次活動將會送出總值接近$40,000嘅精美禮品，包括價值$498嘅Smartech 2合1手動攪拌果汁/雪糕機、日本直送水果（價值約$400）以及超市現金券$100，非常吸引！想知道更多詳情，即刻登入以下網址啦︰http://skypost.ulifestyle.com.hk/mkt/Green/