邊個Emoji最多人用？ 「笑到喊」fb稱霸

今時今日打WhatsApp、玩facebook（fb），唔識打番一兩個Emoji，好易被人當係「古老石山」。不過，你又知唔知邊個Emoji最多人用呢？噚日係「世界表情日」，fb特登做咗個調查，睇下最受歡迎嘅係乜嘢表情，結果發現20億fb用戶近30日最熱捧嘅係「笑到喊」，其次係「心心眼」同「飛吻」表情；用地區嚟分，英國最多人用「笑到喊」；美國同印尼就仲勁啲，鍾意用笑到側晒頭嘅「勁笑到喊」。

Messenger方面，「笑到喊」都好受歡迎，「飛吻」同「心心眼」就緊隨其後；同埋多個地區嘅人都好鍾意用「心心」傳情，包括英國、加拿大同泰國，巴西人熱情少少，鍾意用「孖心」，出名浪漫嘅法國仲最流行用「一箭穿心」𠻹。fb話原來用戶每日會在fb上用超過6,000萬個Emoji，Messenger就仲誇張，用戶每日用成50億個Emoji傳情達意㗎。