心心眼emoji 《晴報》探班

黛安昨日上咗《晴報》，見到佢哋編採部office非常熱鬧。事關wtc more世貿中心帶咗可愛十足嘅心心眼emoji上去探班，另外仲有兩位可愛小朋友嚟咗派emoji氣球同紙扇，令成個office充滿歡樂氣氛，做嘢都寧舍醒晨！

唔講唔知，原來下月17日係世界emoji日！為咗宣傳呢個咁特別嘅活動，wtc more特別喺7月5日至9月3日，將商場內打造成充斥住表情符號嘅歡樂小店。到時商場中庭將設置大型嘅「LOVE」字同表情符號裝置，仲會設置「emoji開心拍」互動照相區，喺商場消費，再捐$10畀「香港世界和平婦女聯合會」，就可以跳入特製嘅emoji波波池玩樂一番兼打卡。黛安齋係諗下都覺得好開心呀！