沙田「家居折」掃平貨 Dyson三寶$5000有找

今年係難得雙春兼閏月嘅好年，好多身邊朋友都準備置業結婚，黛安推薦各位準業主朋友留意沙田家居主題商場HomeSquare嘅「香港家居折」，因為今屆「香港家居折」以3個「SAVE」為題，實行幫大家喺購置傢俬同粉飾家居嘅同時慳錢、慳時間、慳空間，唔少熱賣傢俬嘅優惠組合勁減，啱晒由零開始嘅新手業主。

筍貨家品$1起

要慳錢就當然不得不提「香港家居折」低至1蚊、100蚊、同埋1折開售嘅幾萬件家具同家品啦，詳情應該過幾日會公布；而除咗呢啲例牌筍貨之外，佢哋今年仲破天荒推出低至3折嘅「傢俬組合」套裝優惠，連黛安大愛嘅Dyson都有！合稱「炎夏三寶」嘅Dyson V6 Fluffy無綫吸塵機、座枱智能空氣淨化風扇、同埋空氣淨化冷暖風扇，減到5,000蚊有找！真係千載難逢嘅入貨機會。

其他傢俬組合都非常吸引，好似米蘭高級家具品牌Chateau d' Ax Italia推出嘅意大利電動梳化連高級餐枱、餐椅組合亦由15萬減到6萬8！現場仲有唔少主打收納、多用途嘅家品，如變形餐枱、可摺合單車等，住喺小小安樂「蝸」嘅朋友必搶！