做運動拉傷 羅康瑞：唔可以太任性

昨午黛安和貿易發展局主席羅康瑞（Vincent）一起吃飯，佢全餐飯都談笑風生。原來佢前排因為做太多運動，又打網球，又玩詠春，拉傷咗條筋影響到背脊，出現骨刺壓住神經，搞到要拎拐杖。佢一直知道健康重要，所以多做運動，但笑說年紀大，做得多易受傷，說以後唔可以太任性。

跟住佢話之前去印尼跟一個印尼華僑師傅學氣功，8日課程收400幾美金，仲包伙食，很便宜。學咗3日，就感覺到有一道氣沖運行全身，「好似爆血管咁」。佢有啲驚，問師傅究竟咩事，師傅叫佢唔使驚繼續練，結果佢喺嗰日就打通咗任督二脈，「增強自我修復能力」，而且唔止佢一個，好多學員在8日內都感覺到打通了！

Vincent依家擔任貿發局主席，佢話忙到無得休息，前排就帶團去越南同泰國宣揚香港，睇下一帶一路下嘅投資機遇，當地仲出動總理招呼𠻹！盡顯Vincent嘅江湖地位！