百佳最佳笑容員工選舉 成功提名獲$100禮券

每次黛安喺日本返嚟，都會非常懷念當地便利店同餐廳職員嘅親切笑容，可惜港人工作壓力大，做服務業好難有咁好笑容？但最近黛安發現，其實不少香港公司都着重前綫服務人員嘅笑容！

百佳為咗鼓勵員工用親切笑容招待客人，最近搞咗「最佳笑容員工選舉」，畀我哋呢班顧客表揚笑容可掬嘅員工，成功提名嘅話有機會得到100蚊百佳禮券，之後仲可以喺Facebook投票！

另外，百佳仲會喺今個月逢星期日，喺4間舖頭搞「愛‧微笑」快閃活動，到時會有免費表演，務求令大家笑出聲為止。