McCafé推Great Coffee 派100萬杯免費咖啡

相信唔少人都同黛安一樣，提起飲咖啡就即刻醒神晒。噚日黛安收到風，知道成立至今18年嘅McCafé，今年推行全面嘅品牌改革，佢哋精選全新升級咖啡豆，調配成全新McCafé House Blend，並換上悅目嘅鮮黃色新「裝」，今日起仲會派發100萬杯免費咖啡畀大家試飲，並推出$14起嘅精選咖啡畀大家品嘗。哇！簡直係咖啡迷嘅大喜訊呀！

據黛安了解，全新升級McCafé House Blend，以3種頂級咖啡豆以黃金比例糅合而成。其中來自埃塞俄比亞利姆（Limu）嘅精品咖啡豆，帶清新花香、檸檬與柑橘香氣，口感溫潤柔和，微酸回甘；產自中南美洲嘅水洗Grade 1秘魯咖啡豆，喺高海拔1,200至2,000公尺高處種植，滲透着獨特嘅草本風味；水洗SHG（Strictly High Grown）頂級墨西哥咖啡豆則散發甘甜嘅香氣，帶來朱古力和杏仁風味。

台灣咖啡大師加盟

咖啡豆於本地進行深度烘焙，最佳保存濃郁豐厚嘅咖啡香氣。此外McCafé仲請來台灣咖啡大師比賽冠軍林東源擔任行政咖啡培訓師，除為全新McCafé House Blend給予專業意見，更與一眾McCafé咖啡調配師交流心得，一睇就知係信心保證啦！