劉玉翠拍微電影 喚起對卵巢癌關注

健康係我哋最大嘅財庫，不論咩年紀都需要定期做身體檢查㗎！黛安留意到最近卵巢健康行動同香港臨床腫瘤科學會搵咗MINDSHARE廣告公司等，花咗2日時間拍一條微電影，希望提升大家對卵巢癌嘅關注。雖然只有短短7分半鐘，但內容好豐富，拍得好細膩，令人催淚，黛安都睇到眼濕濕呀。

微電影由藝人劉玉翠同新晉演員談善言飾演兩母女，透過簡單溫馨嘅「雞蛋」故事而展開，講女兒由細細個已經同媽媽去街市，媽媽會教佢點分食物好壞，例如買雞蛋就要喺燈下照一照。女兒長大後，先明白媽媽當年好辛苦咁照顧佢。微電影尾段提到，媽媽經常腹痛，女兒決定帶佢去照超聲波，結果發現患上早期卵巢癌，「卵巢就好似雞蛋咁，要照一照，先知道係好定壞。」黛安睇完條片，都要呼籲下朋友勤力啲check住先得！（瀏覽短片：https://youtu.be/7Lne3pxqiE8）