花旗金屬製Ultima Card 分量十足

信用卡是個人身份象徵，手持黑卡固令人眼前一亮，若你接觸過花旗銀行的Ultima Card，更會明白何謂分量十足。因這尊貴的Visa卡，是由混合金屬製成，外形比一般膠卡矜貴，觸碰平面時更會發出鏗鏘的聲響，含蓄之中盡顯氣派。

這張卡下月就會在市面流通，黛安知得咁清楚，皆因日前到四季酒店參加Ultima Card的酒會。當晚黛安的偶像鍾楚紅都有現身，原來紅姑都係花旗的客戶，更是第一位獲發Ultima Card的卡主，一向喜用信用卡購物及旅遊的她如獲至寶。

除咗美艷如昔的紅姑，黛安見幾位花旗環球個人銀行服務的女高層，包括香港區總經理林鈺華（Christine）、董事總經理暨信用卡及無抵押信貸業務主管伍楊玉如（Maggie）等，都打扮得如花似玉，同花旗香港及澳門區行長盧韋柏一同頒張卡畀紅姑。

全港僅千人有此卡

據黛安所知，Ultima Card係VISA Infinite級別，亦即VISA信用卡中最高的級別，Ultima卡的主人都是擁千萬資產的社會名流，只有特選客戶才有資格獲邀申請。Maggie同黛安講，全港僅約1,000人可擁有呢張卡，好快就會發卡畀目標客戶使用。

為咗呢班貴客，Maggie仲請咗一批Lifestyle Relationship Managers做大家的私人助理，幫手訂機票、安排娛樂及旅遊交通等。當晚名模Mandy Lieu及型男陳智燊就化身為Managers中兩員，捧住iPad滿場飛，同嘉賓玩遊戲兼抽獎，大家玩到樂而忘返。