英基自閉症學生 首辦個人畫展

學李白話齋，天生我材必有用，能突破自身局限，更能發光發亮。英基賽馬會善樂學校近日都有自閉症學生首次舉辦個人作品展，展出15幅以香港為主題的作品，用色活潑夠晒活力。呢個畫家，原來係只係得19歲的鄭看山，鄭媽媽話看山雖然自小有自閉症，好難表達自己，但原來屋企人一早就留意到佢好有藝術細胞，「由細到大，看山一直喺度畫畫，畫紙、牆甚至床單都會畫……由城市一隅到精細地圖，都係看山鍾情的題材。」今次畫展將於4月2至30日喺灣仔藝鵠ACO舉辦。鄭媽媽推介最大看點，就是體驗看山用鮮艷顏色同併貼的方法，將我們身處的香港以「超現實」方式呈現，令人回味城市景象竟然可以咁不一樣。