鴛鴦曲奇夠地道 匡智會義賣籌款

奶茶咖啡，一向是港人光顧茶記首選。能將兩者滋味融合，再整成易食的「鴛鴦曲奇」，咁就返緊工都可以解饞啦。而匡智會社企餅房hc︰Bakery今年就整咗呢款港式鴛鴦曲奇嚟義買，限量版都係賣$40，即日起至4月28日有得訂啦﹗連食個TEA都幫到人，令到匡智學員可以有機會發揮潛能，黛安當然義不容辭啦！

講番餅房，原來係2009年已經成立，全部曲奇都係匡智學員係導師指導下親手整，每盒仲送上學員親手畫的心意卡，好有心機㗎。今次個餅盒仲請來本地著名插畫師John Ho幫手，以「肉肉熊」與「花花貓」逛香港地標做主題，夠晒地道啦。