海港城睇韓國藝展 酒店房間賞名畫

韓風近年有幾Hit，相信唔使黛安講大家都知，一套《鬼怪-孤單又燦爛的神》已令一班少女中毒！今個星期又有「韓星」襲港，不過黛安所指嘅「韓星」都係來自藝術界，佢哋將會參與海港城舉辦嘅「Harbour Art Fair」，參展畫廊總共超過50間，陣容鼎盛！

入場費$100

其實今個月初，黛安已經喺商場露天廣場參觀咗以童話《愛麗絲夢遊仙境》為藍本嘅藝術裝置。聽公關姊妹講，適逢今個月係香港藝術月，海港城今個星期六、日會喺馬哥孛羅香港酒店舉辦Art Fair。有別於其他展覽，今次以韓國畫廊做重點，邀請當地頂尖和新晉藝術家來港。「韓國當代藝術近10年發展得好快，喺國際上嘅名氣都愈來愈高，潛力無限。」

今次只要畀$100門票，就可以一次過睇到咁多名家畫作。唔單止咁，參展嘅形式仲好特別，酒店特別開放咗7樓作為展覽樓層，公關姊妹形容，每一間房都係一個畫廊，大家可以進出唔同房間睇畫展，仲有藝術講座、藝術工作坊同品嘗會𠻹。黛安都打算買飛入場睇下！