迪士尼開幕11年 推限定「香港主題貼紙」

去香港迪士尼樂園除咗玩機動遊戲、同迪士尼朋友「集郵」影相，點少得儲貼紙呀？黛安同公關哥哥傾開，原來聽日開始至10月31號將會推出期間限定「香港主題貼紙系列」，色彩豐富之餘仲極具收藏價值㗎！

迪士尼開幕11年嚟，推出超過570款主題貼紙。今次係迪士尼第一次用香港做貼紙主題，將分階段推出一套12款，包括請嚟米奇、米妮、唐老鴨、黛絲、高飛同布魯托，走遍維港、青馬大橋、鐘樓、傳統帆船停泊處等地方合照，每5、6個星期會派2款，總有一款啱你心水！入去玩記得拎，免費㗎！