麥當勞新安格斯漢堡 分店賣斷貨

麥當勞上星期四（9/3）開始，喺全綫分店推出The Signature Collection 3款新口味，當日黛安都喺最就近嘅分店，用法式甜包加清新田園烤雞mix & match咗一個「Diane's Choice」出嚟，分量足之餘，雞肉仲好juicy！

聽公關講，自從餐廳宣布將呢個系列嘅漢堡包轉做常規餐牌，食客反應遠超乎預期，其中最受歡迎嘅芝味蘑菇安格斯，短短4日就已經賣出接近28萬個，相比最受歡迎的玉子將軍漢堡4日賣出24萬個更甚；聽講最高銷售紀錄嘅餐廳，更日賣超過700個，部分餐廳仲賣到斷晒貨！如果大家想知道芝味蘑菇安格斯嘅最新供應情況，可留意住麥當勞官方Facebook；至於清新田園烤雞及狂惹火辣脆雞漢堡則仍然有售。

試新嘢之餘，黛安昨日亦獲悉屹立觀塘裕民坊36載的麥當勞分店，受市區重建影響將會遷出，以前黛安亦曾與男朋友仔幫襯，聽到有關消息難免有啲唔捨得呢。