花旗餐飲會籍 七折歎米芝蓮

平日出街食嘢、買嘢，都會望下有無信用卡優惠，通常九折走唔甩。但睇來呢個數，在花旗環球個人銀行服務信用卡及無抵押信貸業務主管伍楊玉如（Maggie）心目中未夠優惠，因此大半年前她牽頭聯絡本港多家著名食府，包括米芝蓮二星中菜館夏宮、一星級的利苑及明閣，還有分店遍全港的鴻星及聘珍樓等，密謀幫花旗打造自家餐飲會籍「Gourmet Pleasures Plus」。

昨日這個會籍終於面世，Maggie話合資格信用卡用戶申請後（申請熱綫：8228 2626），就可以低至七折的價錢光顧上述星級食府。但會籍並非免費，年費1,000元起，名額5,000個。「食三餐1,000元的飯就可以回本。」精打細算的Maggie早計好數。

她又同黛安講，早前網購了對高跟鞋襯昨日套衫，以為趕唔切送來，怎料昨早剛好抵達，笑言會籍計劃「腳頭好」。

張智霖代言

Maggie與花旗環球個人銀行服務香港區總經理林鈺華（Christine），仲請了高大靚仔的「Captain Cool」張智霖，擔任新會籍代言人，及宣傳花旗加碼推出的「2蚊兌1里」的信用卡儲里數優惠，今個星期五大家就會見到ChiLam在花旗的新廣告中現身。