Go Green新選擇 Pret A Manger全綫 百種素菜任揀

食得素菜多唔止身體好，對減少畜牧業碳排放都有助益。黛安雖然唔係信佛，但不時會響應Green Monday「齋戒」一下。最近就聽到Pret A Manger全綫20間分店新出咗「Not Just For Veggies」素菜系列，而且唔止係全部都係菜咁簡單，想食沙律、三文治、法包、薄餅卷定甜品都一樣「素得叻」。聽公關姐妹講，今次呢個系列一共有10款新素食品種登場，當中6款是純素；加埋舊有系列，依家Pret香港有成100種素食選擇，真係「齋期」時最佳食堂。Pret A Manger亞洲區商務總監李若藍話，開業15年嚟見到客人對健康鮮製的素食追求增加，唔單止素食者，連一般客人都鍾意食，舊年喺倫敦開的概念素食店都好受歡迎，於是決定將當地熱買產品引入香港，其中香烤甜椒帕瑪森芝士裸麥麵包更係全港首個用麵包整的「有營輕食」𠻹。