Fashion Walk美食巡禮 逛市集 向名廚偷師

終於到星期五，諗咗周末節目未呀？黛安精心挑選咗一個美食市集畀大家，銅鑼灣Fashion Walk由3至5月期間，會喺滙聚咗唔同特色餐廳嘅食街，舉行美食巡禮，有一連串「色、香、味」活動。好似每月首個周末下午1至8點有美食市集，以海洋之味、甜點滋味、餐酒芝味為主題，10個特色攤檔會為大家帶來世界各地獨特美食！今日到星期日打響頭炮嘅就有來自南法普羅旺斯省特產薰衣草嘅馬卡龍、咖啡同啤酒，畀大家喺多角度官感享受全新美食！唔好錯過呀。除咗美食，本地及澳洲星級名廚喺指定日子會舉行廚藝教室，大家趁機偷師！

提提大家Fashion Walk今次特別加推All-Day-Dining VIP卡名額，大家喺美食巡禮期間消費滿1,500蚊以上就可申請，享用餐廳優惠。唔好唔記得換埋澳洲紅酒、Le Creuset心形瓷器餐碟先走呀！